Damit aber ein jeder sehe vnnd verstehe/wie ein federn fein ordenlich vnd wol in die finger gefast / auch wie der arm vnnd die hand auffgelegt soll werden / sihestu die zugegen aussgerissen [Abbildung der Hand] / Nemlich/die lini A. B. ist die tafel oder den tisch bedeuten / es sol der arm gleich am leib frey schweben/ also / das der elbogen allein aufliget / vnnd die handt auff dem klainen finger ruhet/das man zwischen dem arm vnd dem tisch (oder der tafel) hindurch sehen mag/du sihest auch/ wie die finger gestreckt sollen werden/ hab dir derhalben die bede [beiden] arm nacket (oder bloß) fürgerissen / du dich dester besser darnach zurichten habest.

Es werden nit alle Schriefften / mit einerley art oder abgesengter federn geschrieben / auch wird die federn nit einnerley weyß in die finger gefasset / dann wie vorgemelt / so hastu dreyerley art / (ein gerade ebne/vund zweyerley abgesengter / ) federn/das du aber dessen bericht werdest/ will ich dir bey yeder Schriefft in sunderheit antzaygen / welcher art der federn / du dich gebrauchen / vnnd dieselb zwischen die finger fassen solt/ derhalben hab acht auff die linien der federn/das du derselben namen in gedechtnuß fassest/dann es dir (im zierlichem Schreyben zulernen/) wol zumercken / von nöten sein wirt.

Welcher wol vnd behend schreyben will lernen / ist not zuwissen / wie er die federn fasse/ halten / vnd die selb regieren / auch wie er sich mit aufflegung des arms / vnd strecküg der finger / halten soll / Dann warlich / welcher schwerlich mit dem leyb auff dem arm ligt / also / das der arm sampt der handt / hart auf dem tisch (oder der tafel) auf ligt/ vnnd die federn zwischen den fingern zwicket / auch mit dem angesicht gar nahet auf dem pappyr leit / wirt keinen behenden vn guten schreyber geben / Dann er über zwen oder drey Buchstaben nit machen kann / so muß er den arm vnd die hand rucken / darzu ligt er im selbst im liecht / solche vngeschickte vnd vnschreyberische fassung der federn / sampt aufflegung des arms / sihestu ein Frempel hie zugegen auffgerissen/ bey der linien A. B. ist die tafel oder der tisch zuuerstehn.

Geschickte Federhaltung

Ungeschickte Federhaltung